SESORAH BASA JAWA

SESORAH BASA JAWA

Assalamu’alaikum wr.wb

Bismillahirrahmanirrahim, Alhamdulillahirabbil’alamin wabihi nasta’inu ala umuridunya waddin wa’ala alihi washohbihi  ajma’in.

Bapak – bapak, ibu – ibu ingkang dahat kinormatan, para siswa ingkang karoban ing raos bagiyo.

Sakderengipun kulo matur wonten ngarso panjenengan sedoyo langkung rumiyin kulo nyuwun agunging sih samodra pangaksami, lan nyuwun kulo komowantun ngadek wonten jengandika sami.

Langkung rumiyin monggo kula derekaken ngaturaken puji syukur alhamdulillah dateng ngarsa dalem Allah ingkang sampun kapareng paring nugraha kawilujengan saha kasarasan sahengga kula lan panjenengan waget kempal manunggal wonten ing pawiyatan SMA N 1 JETIS ingkang kula lan panjenengan remeni punika, Amin.

Wondene ingkang dados maksud saha tujuan kula lan panjenengan kempal wonten ing SMA N 1 Jetis punika, kula badhe ngunduraken siswa kelas XII amargi wonten ing wulan April 2008 sampun ngrampungaken UNAS ingkang minangka dados sarat utami tumrap para siswa SMA kagem nglajengaken ing tataran pawiyatan ingkang sak nginggilipun.

Enjing menika, enjing ingkang ngrenyuhaken sanget kula lan panjenengan sedaya.Khususipun para putra sedaya, sebab dinten menika dipun wontenaken perpisahan siswa kelas XII. Sahingga para putra ingkang saben dinten pinanggih, sinau sesarengan, diskusi sesarengan sekedhap malih pisahan. Kanthi menika kula nyuwun para putra sedaya kanthi wontenipun perpisahan punika mboten sami pedhot kekancan.

Bapak, Ibu Ingkang kula hormati.

Saha para putra sedaya ingkang kula tresnani. Saklajenginpun para putra ingkang badhe pisah punika sejatosipun ngadhahi tugas inggih punika nglajengaken wonten ing perguruan tinggi. Kula dherek dedonga mugi – mugi para putra sedaya saged katampi wonten ing perguruan tinggi Negeri. Kanthi tingkat pendidikan ingkang inggil tugas lan kewajibanipun langkung awerat. Mila para putra kedah langkung gumregut anggenipun sinau supados menapa ingkang dipun idam – idamaken saged kelampahan sahingga kula lan bapak ibu sedaya saha bapak ibu wali murid remen lan bangga. Mugi – mugi Gusti Allah Ingkang Maha Agung nyembadani sedaya panuwunipun kula lan panjenengan sedaya. Amin.

Cekap semanten atur kula, kathah kirangan atur kula, kula mawantu – wantu nyuwun lumunturing samudra pangaksami.  

Wassalamu’alaikum wr wb

Asma               :Vidara Esa Panuntun

Kelas               : XI IPA2     

      

No.Absen        : 28